نكت ...جميلة...جدا...جدا..جدا

حبيت أجيب لكم نكت جميلة وظريفة


النكتة الأولى:

مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه

النكتة التانية:

مره واحد مسطول بييصطاد سمك بالحشيش طلعتله سمكه بتقول : انا تمساااااااااح

النكتة الثالثة:

مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت

النكتة الرابعة:

حد سأل صاحبه .. ايه السبب الرئيسى للطلاق ؟ قاله الزواج

النكتة الخامسة:

المريض: يا ترى يا دكتور أنا ممكن أعيش لحد ما يبقى عندي 100 سنة؟ الطبيب: أنت بتدخن أو بتشرب أو بتتعاطى؟ المريض: لأ أبداً، عمري ما دخنت سيجارة أو كأس ولا حتى شديت نفس من شيشة... الطبيب: بتلعب قمار؟ المريض: لأ، ولا حتى كوتشينة ولا دومينو ولا شطرنج .... الطبيب: بتسهر قدام التلفزيون أو الفيديو أو الدش؟ المريض: ولا بفتحهم من أساسه.... الطبيب: ولا بتسهر على القهوة؟ المريض: ولا عمري عتبتها برجلي... الطبيب: بترهق صحتك ونظرك بالقراءة كتير؟ المريض: بالعكس، أنا أطيق العمى ولا أطيقش الكتب... الطبيب: طيب بتقعد كتير قدام الكمبيوتر أو الأنترنت؟ المريض: كمبيوتر؟ أشوف إيه؟ .... الطبيب: طيب بتسافر على طرق خطر أو بتسوق كتير؟ المريض: أنا لا عندي عربية ولا بأسافر من أصله..... الطبيب: طيب بتلعب أي رياضة عنيفة أو مرهقة؟ >المريض: ولا عمري عتبت نادي، وما لعبتش حاجة من أيام ثانوي.... الطبيب: أمال عايز مية سنة تهبب فيهم إيه

النكتة السادسة:

+طفل اتولد و ظل 5 سنين لا يتكلم, اول كلمة قالها(خالي)بعدها بيوم خاله مات ومر اسبوع و اتكلم الولد مرة ثانية و قال اخويا بعدها بيوم اخوه مات ومر اسبوع آخر والولد قال بابا فكتب الاب وصيته بعدها بيوم جارهم مات

النكتة السابعة:

واحد بلدياتنا عمل إتنين إيميل واحد دوت كوم للشتاء وواحد نص كم للصيف

النكتة الثامنة:

واحد بلدياتنا فى مسابقة من سيربح المليون إتصل بصديق وقال له :
ألو محمدين معانا 30ثانية رأيك أحذف إجابتين وإلا أستخدم الجمهور

النكتة التاسعة:

مرة واحد بلدياتنا كان بيدق مسمار فى الحائط فالمسمار وقع منه فقال له: تعالى فلم يجى.فقال له: تعالى فلم يجى.فراح بلدياتنا رامى على المسمار شوية مسامير وقال لهم: هاتوه

النكتة العاشرة:واحد بلدياتنا مراته ولدت بنت فى الفجر ذبحها وقال:
معندناش بنات تخرج بعد نص الليل